Eins og ég sagði ykkur frá í síðasta pósti þá datt af mér andlitið þegar ég last grein skrifaða af Snæfríði Ingadóttur um ferð Flass 104,5 til Ibiza (14. maí 2010 - 13:00 „Djammferð til Ibiza: Meira en 200 íslensk ungmenni á leið í dansparadísina „)
Ég setti mig í samband við Snæfríði varðandi greinina og hennar svar var meðal annars á þessa leið „Ég játa það að sú mynd sem dregin var upp í þessarri frétt á Ferðapressunni um væntanlega ferð Flass til Ibiza var mjög klisjukennd en útvarpsstöðin er nú ekki akkúrat heldur að draga úr þeim klisjum. Og það er nú svo að Ibiza, sem ég efa ekki að hafi upp á ýmislegt annað áhugavert að bjóða, er samt sem áður þekktust í hugum flestra fyrir fjörugt skemmtanalíf og góða klúbba, þó svo spænsk ferðamálayfirvöld vinni nú hörðum höndum að því að breyta þeirri ímynd. Í þessu tilviki þar sem verið var að fjalla um þessa ákveðnu ferð á vegum Flass, passaði ekki alveg að minnast á náttúruna, hestaferðir og hjólreiðar, þar sem um hreinræktaða djammferð er að ræða sem gengur út á það að dansa og djamma. Myndirnar voru valdar í samræmi við umfjöllunarefnið, þær eru frá Getty Images, sem er alþjóðlegur myndabanki. Þær eru teknar á Ibiza, eru ekki sviðsettar heldur sýna ungt fólk “að skemmta sér” – en vissulega í “svæsnari” kantinum og ég tek þeirri gagnrýni að það hefði verið hægt að velja ekki eins ýktar myndir með greininni þó svo einhverjir stundi greinilega svona ýkt skemmtanalíf þarna.
Þú virðist þekkja vel til á Ibiza og hafa áhuga á því að gera fleiri andlit eyjunnar sýnileg.
Hefðir þú ekki áhuga á því að gefa lesendum Ferðapressunnar meðmæli frá Ibiza? Við fáum oft Íslendinga sem búsettir eru erlendis eða hafa verið mikið erlendis á ákveðnum stöðum til þess að segja frá 5 af sínum uppáhaldsstöðum (má vera hvað sem er: náttúruundur, veitingastaður, safn osfrv)

Snæfríður og ég, sem mér finnst n.b. vera mjög skemmtileg týpa, skrifuðumst aðeins á en síðan ég birti síðasta blogg hef ég ekkert heyrt frá henni.......
Í pósti fyrir síðasta blogg mit spurði ég hana hvort henni þætti ekki eðlilegt að fjarlæga þessa grein af netinu. Hún svaraði: „Greinin er farin af forsíðu Ferðapressunnar en er enn á Netinu enda tel ég ekki að það séu rangfærslur í henni, en viðurkenni að hún ýtir undir klisjur um Ibiza.
Meðmælin þín frá Ibiza skjóta vonandi klisjurnar í kaf og sýna aðra mynd af eynni. :)“
Enn of aftur, af hverju vildi Snæfríður ýta undir klisjur um Ibiza þegar hún vissi betur og hefur ALDREI komið hingað sjálf? Þetta er eins og skrifa kvikmyndardóma um bíómynd, kalla hana ýmsum nöfnum, nefna frammistöðu leikara o.s.frv. án þess að hafa SÉÐ myndina, ekki einu sinni „trailerinn“
Förum aðeins ofan í hluti sem eru að mínu mati klárar rangfærslur í umræddri grein:
• „Ungmennin geta drukkið eins mikið af innlendu víni og þau bara þola og dansað við taktfasta tónlist allan sólarhringinn“.
o Í „all inclusive“ reglum á Club Punta Arabí kemur skýrt fram:
„All Inclusive” !!!!

Okkar gestir eru allir með „all inclusive“ pakkann.
Þessi pakki virkar við sundlaugina og í matsalnum.

„ALL INCLUSIVE“:

Matsalur:
Hádegi 12.30 – 14.00 + Bjór og gos
Kvöld 19.00 – 21.00 + Bjór og gos

Á sundlaugarsvæðinu:
Drykkir 10.00 – 23.00 Bjór, Sangría , gos og sterkir drykkir
Fyrir aðeins €1 geturðu fengið þína uppáhaldstegund, s.s.
Smirnoff-Habana Club- J.B-. Ballantine´s- Gordon´s – Bacardi....
Ef þið viljð aðra drykki, s.s. kokteila spyrjið þá um listann og veljið ykkur það sem ykkur langar í. Verðin er væg og sérstaklega ef maður nýtir sér 20% afsláttinn sem maður fær með bláa kortinu.
Snack barinn:
Hamborgarar, pylsur, pizzur og franskar 12:00 - 17:00

„All Inclusive“ reglur:

• Armbandið sem þið fáið við innritun ásamt bláa kortinu er AÐEINS til notkunar fyrir viðkomandi aðila en EKKI til að lána öðrum.
• Aðeins EINN drykkur í einu pr. mann.
• Brot á reglum um „all inclusive“ getur þýtt að viðkomandi verði sviptur þjónustunni.
o Á þessu sést að „allan sólarhringinn“ er rangfærsla. Þess að auki loka ALLIR löglegir klúbbar á Ibiza kl. 07.00, skv. nýjum lögum sem sett voru fyrir nokkrum misserum.
o
o „Flass hópurinn mun gista á Club Punta Arabi sem er þekkt "djammhótel". Þar eru börn og gæludýr bönnuð“
o Club Punta Arabí er EKKI þekkt „djammhótel“ í því samhengi sem Snæfríður er að draga upp. Club Punta Arabí er „Vactional Club resort“ fyrir ungt fólk sem vill skemmta sér EN líka stunda íþróttir og slaka á. Þeir sem voru hvað harðastir í Flass hópnum fannst líka ekki mikið til Punta Arabí koma, s.s. kúnninn og klúbburinn gengur ekki í takt, langt frá því. Það eru hótel á Playa Den Bossa (nálægt Bora Bora) og í San Antonio sem sérhæfa sig í Techno hópum sem vilja bara djamma og ekkert sofa, Punta Arabí er SANNARLEGA ekki einn af þeim stöðum.
Resort Destination Ibiza-Balearic Islands-Spain
Place Es Cana
Resort Name Life Resort Punta Arabi level
Address Apartado Correos 73, Es Cana
07 840 Santa Eulalia del Rio
Ibiza, Baleares, Espana
Category National category 2 ** +
Year 1969
Number of rooms 364 bungalow rooms
Beds 1,000 beds
Opening times May - October 2009
Reception 24 hour service, safe
Contact Tel: 0034 971 330 650 / 1
Fax: 0034 971 339 167
email: @ reservas.puntaarabi azulinehotels.com
Distance from Ibiza City / Airport 22 km
Shopping Minimarket
Pools large pool on hillside with sea views
Bars 9 bars in the resort distributed
Bistros Pool Grill, two restaurants (one à la carte restaurant)
Discotheques house nightclub Ocean.971
Open Air Sky Lounge, Open Air Stage, Open Air Party Areas
Food HP & All Inclusive
Audience 18-30 years (not posting)
Crew 24 hours service, competent team of 30 experts Crew
Sports Mulitfunktionssportplatz, beach volleyball at the resort and beach, pool, tennis facility with 3 fields, Sports Pavilion (fitness and aerobics), Puntagym, surfing, sailing and diving school on the beach
Leisure Internet Skylounge, LaRocca, Chill-Out Area
Room State renovated
Equipment Private bathrooms, some with balcony or terrace, air conditioning (additional charge)
Room service fee, laundry and medical services
Splitting 2, 3, 4 and single occupancy available
Sea View some with sea views
Other views in a very green garden
Beach Distance 500 m
general resort's own beach with its own meadow and bar
Nightlife Trip available on site (Ibiza Town, verse. discotheque excursions)
Equipment resort's nightclub, LaRocca, pool area with open air parties, open air stage for live acts, theme bars
o (http://www.punta-arabi-resort.com/Daten-Fakten.544.0.html)
o Minnir þetta eitthvað á annað en heilbrigt og hressilegt prógram fyrir ungt fólk:
http://www.punta-arabi-resort.com/Shows-2009.1413.0.html
http://www.punta-arabi-resort.com/Entertainmentprogramm.1412.0.html

http://www.pressan.is/ferdapressan/Lesa_Utlond/islensk-unmenni-a-leid-i-djammferd-til-ibiza?img=4471408b-2824-40c6-b15e-42559147f228#img
Þessi gaur er jafn líkur David Guetta og Jóhönnu Sigurðardóttur.

David Guetta (http://electroyhouse.files.wordpress.com/2007/02/david-guetta.jpg)

Það er sem sagt sumt í grein Snæfríðar sem er 100% rangt annað sem er bara klisjukennt en annað er alveg rétt, s.s.
http://www.pressan.is/ferdapressan/Lesa_Utlond/islensk-unmenni-a-leid-i-djammferd-til-ibiza?img=91285bb8-bfa2-400b-b78b-5afd1761634f#img
• “Dúndrandi danstónlist á Ibiza”.

En ég skil ekki enn hvað bjó að baki greininni, WHY? Af hverju var ekki talað við Trans Atlantic til að fá réttar upplýsingar um Club Punta Arabí, „all inclusive“, dagskrá Flass á Ibiza, o.s.frv., það skil ég ekki enn.
Getur einhver uppfrætt mig um þetta???????

Njótið dagsins,
Sigurjón S.

es. 33 stig og sóla á Ibiza í dag, fallegur dagur.

Hola otra vez :)

Ég sagði áðan að ljósmyndirnar og myndatextinn í greininni væri alveg kapítuli út af fyrir sig. Ég kíkti á myndirnar eina ferðina enn og þar sem ég veit að viðkomandi blaðakona hefur aldrei komið hingað þá setti ég ljósmyndarann sem er "quotaður" undir myndinum í google og fann þá þetta fyrirtæki "Getty Images" mjög flott síða hjá þeim og mikið af myndum frá Ibiza EN viti menn allt myndir sem sýna raunverulegu Ibiza en ekki klisjukennda og ranga sýn, maður spyr sig núna af hverju blaðakonan valdi ekki eh af þessum myndum fyrir greinina sína..... hummmmmmmmmmmmmmmmmmmm.
http://www.gettyimages.es/Search/Search.aspx?contractUrl=2&language=es&family=creative&p=Ibiza&assetType=image#6

Njótið dagsins,
Sigurjón Sigurðsson

Ég er kominn aftur á fornar slóðir eða til Ibiza á Spáni að taka á móti krökkum frá Íslandi sem eru hingað komin í skóla - og eða vinahópum. Ég tók á móti sama aldri hingað, 89-91, og ég get fullvissað ykkur um að það er enginn munur á ungu fólki í dag og þá. Kannski felst munurinn í að flæði upplýsinga er allt miklu hraðara, Facebook, farsímar o.þ.h. Þessir íslensku krakkar eru vel liðnir hér í Es Canar á Ibiza. Við erum með þau þar á hóteli sem heitir Club Punta Arabí. Club Punta Arabí er ekki beint hótel heldur sumarklúbbur fyrir ungt fólk, eins og lítið 1000 m2 þorp sem tekur 1000 manns. Hér fær ungt fólk að vera ungt fólk og það er skilningur á því að ungt fólk sem er skemmta sér hefur stundum hátt. Hér er öflug íþrótta – og skemmtidagskrá frá morgni til kvölds. Á Club Punta er 1000 manna diskótek og Snakk bar fyrir utan sem er opinn jafn lengi og Ocean diskótekið á Punta Arabí. Punta Arabí er ekki undir stjörnugjöf hótela heldur undir því sem heitir á spænsku, Club de Verano (CV). Hámarksstjörnugjöf slíkra klúbba eru 3 stjörnur og Club Punta Arabí hefur 2.
Sumir krakkarnir sem koma hingað segja mér stundum þvílíkar tröllasögur sem þau hafi heyrt um Ibiza á Íslandi, stundum verð ég orðlaus. Þær eiga það að vísu allar sameiginlegt að enginn veit nákvæmlega hver sagði þær og oftast er mér sagt að þær komi frá einhverjum sem þekkir einvhern sem þekkir einhvern sem..... Ég hef amk ALDREI hitt neinn Íslending sem talar með þessum hætti um Ibiza sem hefur í alvöru komið hingað í frí. Svona sögur geta komið frá samkeppnisaðilum eða bara einhverjum sem þykir gaman að dansa við Gróu frá Leit, ég skal ekki segja og í raun er mér alveg sama. Það sem skiptir mig máli er að frá okkur fer heim ungt fólk með góðar hugmyndir, minningar og bros á vör frá eyjunni hvítu.
Ibiza er hluti af Baleres fylkinu á Spáni, eitt af 17 sem mynda konungsríkið Spán. Höfuðborg Baleares er Palma á Mallorca. Ibiza er þriðja stærsta eyjan af þeim 5 sem mynda Baleares, 572 km2, en sú næst fjölmennasta, ca. 120 þúsund íbúar. 70% þeirra eru Spánverjar en restin eru útlendingar með fasta búsetu hér. Á hverju ári sækja ca. 2 milljónir ferðamanna Ibiza heim. Mest umferð um flugvöllin hér er um 140 þúsund farþegar á viku. Það sem fæstir á Íslandi vita er að um 30% af þeim sem heimsækja Ibiza heim á hverju sumri er fólk á miðjum aldri og yfir. Fólk með fjölskyldur sem velur sér þau svæði á eyjunni sem er fyrir þennan hóp, og þau svæði eru fleiri en fólk heldur. Á eyjunni er einn góður 18 holu golfvöllur og á sama stað er einn 9 holu æfingavöllur.
Ibiza er eins og við þekkjum Stór Reykjavíkursvæðið, allar vegalengdir frekar stuttar og aðgengilegar. Flottir hlutir eru aldrei langt undan. Spurningin er hvað fólk vill gera. Viltu vera í einu skrautlegasta og flottasta mannlífi í Evrópu, kíkja þar á kaffihús, bari, veitingastaði, verslanir eða bara njóta þess að vera til? Kíktu þá í gamla bæinn í Ibiza borginni (65 þúsund íbúar) í Sa Penya og La Marina hverfin. Hluti af þessum hverfum eru á heimsminjaskrá Unesco. Þar er einnig að finna svæði sem eru afar „Gay vænt“ með tilheyrandi skrautlegu, vinalegu og skemmtilegu fólki.
Viltu heimsækja flottar, mannmargar strendur? Kíktu þá á Playa d´en Bossa eða hina frægu Salinas strönd. Viltu kíkja á rólegar víkur og taka daginn mjög rólega á ströndinni kíktu þá á..... get ekki byrjað að telja. Viltu vera nakin (n) í sólinni? Kíktu þá á fyrstu opinberu nektarströnd Evrópu, 1977, Es Cavalllet.
Viltu upplifa sólsetrið með fjölda manns sem er mætt að „chilla“ við sólsetrið á Café Mambo í San Antonio? Café Mambo er oft með fræga plötusnúða, t.d. verður David Guetta í heimsókn næsta fimmtudag. Saknarðu „gírsins“ í djamminu í 101 Reykjavík? Farðu þá í West End hverfið í San Antonio og þú verður ekki fyrir vonbrigðum ef það var 101 á laugardagskvöldi sem þú varst að leita að.....
Langar þig til að heimsækja flott diskótek? Þá eru hér nokkur þau frægustu sem þú getur fundið:
• Pachá (1973) (opið allt árið en ekki á fullri getu á veturnar og bara um helgar)
• Amnesia
• Privilega (stærsti klúbbur í heimi, 14 þúsund manns)
• Space
• o.fl.
Það eru ekki margir staðir til þar sem þú getur byrjað vikuna, mánudagskvöld, á því að fara á TIESTO á Privilege ásamt 14 þúsund öðrum. Síðan kíkt á David Guetta á Pachá fimmtudaginn eftir, ásamt 5 þúsund öðrum. Taka skal fram að þessi klúbbar eru ekki ódýrir, bæði dýrt inn og dýrt að drekka. Þeir geta þetta, vita það og gera það.
Ertu ekki fyrir klúbbatónlist og vilt heyra alvöru lifandi tónlist? Kíktu þá hinn frábæra Teatro Peyrera Ibiza. Algjör snilld. Staður sem er opinn allt árið og er mjög vinsæll hjá eyjarskeggjum. Langar þig að taka salsa kvöld? Kíktu þá á Azúcar Moreno í San Antonio eða Salsa staðinn í Figuretas (man ekki nafnið).
Langar þig að fara í sjósport? Sjóskíði, Banana, Wake board, Parasailing, Jet Ski eða leigja þér lítinn hraðbát? Kíktu þá til Césars í víkinni S´argamassa. „Laid back“ andrúmsloft og mikil fagmennska. Þar er líka góður nuddari á ströndinni.
Ertu hestamanneskja og vilt fara á bak á spænskum hestum, ekkert mál. Ertu fyrir hjólreiðar? Mikið af keppnishjólreiðafólki á eyjunni. Viltu taka smá „hiking“? Fullt af gönguleiðum á litlu fjöllin hér. Hæsta fjall Ibiza er Sa Talaia, ca. 450 mtr. hátt.
Viltu kynna þér söguna, menninguna til forna eða best viðhaldið virki frá 16 öld í Miðjarðarhafinu? Kíktu þá í Dalt Vila (efri bær) sem er 3000 m2 svæði innan virkisveggja í Ibizaborginni. Virkið er á heimsminjaskrá Unesco síðan 1999 og aðgengilegar upplýsingar eru út um allt á 4-5 tungumálum. Á Ibiza er líka eitt merkasta safn Púnverskra minja.
Saltnámur Ibiza, Las Salinas, eru heimur út af fyrir sig. Saltið var gull Ibizabúa í margar aldir. Í dag er enn framleitt salt á eyjunni, um 50 tonn á ári. 10% af þessari framleiðslu fer í borðsalt en 90% fer sem götusalt til Norður Evrópu. Vinnsluaðferðirnar hafa að sjálfsögðu breyst í gegnum tíðina og í dag er þetta meira eða minna unnið með vélum en ekki af verkamönnum, eins og á árum áður. Salinas svæðið er núna þjóðgarður.
Ég hef í þessu bloggi bara aðeins drepið á þeim mörgu hlutum sem tengjast Ibiza, þessari frábæru paradís hér í Miðjarðarhafinu.
Ef þið viljið kíkja hingað þá getið þið fengið allar upplýsingar um eyjuna hjá Trans Atlantic (www.transatlantic.is)
Ég ætla að enda þetta blogg með að leyfa ykkur að njóta þess að lesa mjög skemmtilega grein um Ibiza sem birtist í Lesbók Morgunblaðsins árið 1977 er Íslendingar byrjuðu fyrst að fara til Ibiza. Greinina skrifaði Gísli Sigurðsson blaðamaður.

Ibiza
Eyjan hvíta hefur hún verið nefnd eftir byggingunum, en Ibiza er græn yfir að líta, gróðursæl og friðsæl. Þar er eitthvað fyrir alla, tízkudvalarstaður hippa, Paradís venjulegra túrista og í seinni tíð eru Íslendingar þar á meðal.
Það þykir sjálfsagður hlutur nú orðið og heyrir eiginlega til lífskjaramarki númer eitt að geta árlega velt sér svo sem tvær til þrjár vikur í makindum á þeim stöðum, sem almenningur nefnir einu nafni Sólarlönd.
Margir þekkja víst Mallorca heldur skár en Vestfjarðakjálkann, Fljótsdalshéraðið, að ekki sé nú talað um Ódáðahraun. Nýlega hafði ég spurnir af hjónum, sem voru að fara í fjórtánda sinn til Mallorca í sumarleyfinu sínu. Ekki hafa þau kvalizt af forvitni eða nýjungagirni. Þeir eru til — og ófáir raunar, sem búnir eru að kemba þessar sólarstrendur einu sinni eða oftar: Costa del Sol suður í Andalúsíu, Kanaríeyjar, Lignano á Adríahafsströnd ítalíu, og í minni mæli. Algarve í suðurhluta Portúgal og Glyfada-ströndina i námunda við Aþenu. Allt er þetta dálítið hvað öðru líkt, þegar til kastanna kemur. Gildi ferða af þessu tagi er þar fyrir ótvírætt og helgast ekki hvað síst af þeirri tilbreytingu, sem nauðsynleg er hverjum manni. Þarna kynnast margir önnum kafnir Íslendingar þeirri hvíld, sem þeir þekkja varla af afspurn heima fyrir, hitinn á sinn þátt í því, enginn sími, engir fundir og kapphlaup við klukkuna. Menn kynnast þvi að geta borðað góðan mat fyrir brot af því sem kostar að snæða á veitingahúsi heima og margir eiga full erfitt með að láta þetta ódýra vín ódrukkið. Í sumar var hamrað á þvi slagorði í auglýsingum, að nú ætti maður að koma með til Ibiza og ég lét vitaskuld ekki segja mér það tvisvar og hefði þó kannski verið nær að slást í för með Þjóðverjum og Spánverjum, sem hingað voru komnir til að sjá Öskju og
Herðubreiðarlindir með eigin augum í þeirri von að Askja og Herðubreiðar lindir verði ögn um kyrrt á sínum stað, var gengið um borð í Flugfélagsþotu á úthallanda degi uppúr réttum og lent í myrkri eftir fjögurra tíma flug á þeirri eyju sem menn nefna nú Ibiza og er í Baleariska eyjaklasanum í Miðjarðarhafinu; spölkorn vestur af Mallorca. Þarna var þá ein paradísin enn, græn og gróðursæl yfir að líta og hafið að sjálfsögðu blátt. Meira að segja ku vera alveg sérstakur blámi á Miðjarðarhafinu, sagði Jón heitinn Engilberts mér og lygndi aftur augunum. „Nú er ég að synda í Miðjarðarhafinu", sagði Jón og tók sundtökin þar sem hann sat í stólnum heima hjá sér. Aftur á móti hefur ævinlega vafizt fyrir mér að sjá þennan sérstaka bláma öðrum bláma fegurri, sem rómantikerar á síðustu öld gerðu frægan, þegar Capri var tízkustaður kóngafólks. Sé himinninn heiður og blár, verður hafið venjulega blátt líka, það er allt og sumt.
Ibiza er á stærð við Reykjanesskagann, gróðursæl með afbrigðum, alsett hæðum og fjöllum og undirlendi sáralítið. Ekki er mannfjöldanum til að dreifa; íbúarnir aðeins 40 þúsund (2010 ca. 120 þús.) og þar af búa 17 þúsund í Ibizaborg (2010, ca. 65 þús.), sem er stærsti bærinn og höfuðstaður eyjarinnar, að hluta ævagamall og skemmtilegur. Verður nánar vikið að því síðar Hinum megin á eyjunni stendur bærinn San Antonío við fallegan fjörð, þar búa 8 þúsund manns (2010, ca. 24 þús.), en aðrir bæir eru mun minni og dreifðir viðsvegar um eyjuna. Innfæddir tala að sjálfsögðu spænsku, en þó öllu fremur sín á milli mállísku sem nefnd er ibicenco (nátengd Katalónsku). Þjónusta við erlenda ferðamenn er vaxandi atvinnugrein og talsverður fjöldi hótela upp risinn í Ibizabæ, San Antonio, St. Eulalia, Cala Portinatx og víðar Allt er það þó smátt í sniðum á móti þeim stóriðnaði í túrisma sem fjöldi Íslendinga þekkir af eigin raun frá Mallorca.
Á Ibiza er enginn yfirþyrmandi mannfjöldi, engin stórborgarumferð Flest er þar þægilegt, ljúft og létt og staðurinn kjörinn fyrir þá, sem vilja afslöppun, næði og hvíld. Ekki svo að skilja að þeir sem vilja snúa við sólarhringnum og ástunda næturglaum og skálaglam geti ekki fundið neitt við sitt hæfi og má i því samhengi minna á að lbiza er einmitt eftirlætisstaður hippa úr nærliggjandi löndum.
Ánægjan af dvöl á Ibiza er eins og annarsstaðar meðal annars fólgin í að kynnast þjóðlegum réttum og ævagömlum matarkúltúr. Um það eru flestir sammála nema Íslendingar, sem reiða með sér saltfisk að borða í sumarleyfinu.
Vissulega minnir Ibiza mest á Mallorca. Þó er þar allt með öðrum brag og flest kemur sem betur fer spánskt fyrir sjónir. Sé komið í þorpin vítt og breitt um eyjuna, sem flest heita eftir kaþólskum dýrlingum, blasir við hvernig alþýða manna lifir og hefur búið til þessa dags. Þar eru engin hótel og hvorki túristar né það hvimleiða sjoppufargan með samskonar drasli, sem fylgir ferðamannastöðum á sólarströndum. Húsin eru yfirleitt hvítkölkuð uppá spánskan máta og kerlingarnar svartklæddar að vanda og skorpnar í framan eins og gamalt bókfell. Þegar betur er að gáð má sjá, að æði margar bera mislitar slaufur, sem kunngerir félagslega stöðu þeirra. Ég man nú ekki litina nákvæmlega lengur, en ekkja í sorg eftir mann sinn ber svarta slaufu, en setur svo upp slaufu í ákveðnum lit, þegar hún er í því standi að vilja giftast aftur. Það eru óneitanlega gagnlegar upplýsingar fyrir lysthafendur. Aftur á móti skyldu menn forðast að fara á fjörur við þær konur, sem bera bláa slauffu; þær eru nefnilega giftar og meira að segja hamingjusamar í hjónabandinu. Varla er það þorpskrýli til, að ekki sé þar vínstofa og alltaf er svo að sjá, að menn hafi góðan tíma til að sitja þar langtímum yfir glasi af San Miguel eða lager. Þessir staðir eru í rauninni félagsheimili, þar sem fólkið hittist daglega og blandar geði. Aftur á móti er minna um sjoppur samkvæmt íslenzku formúlunni, þarsem hávaðasamir unglingar hamast við að reykja í laumi og troða sem mestu í sig af kóki og prinspóló í þjóðbraut.
Sögulegar staðreyndir verða að mestu látnar liggja milli hluta í þessu greinarkorni, enda hefur mér virzt, að hinir hefðbundnu fróðleiksmolar fararstjóranna fari svona yfirleitt inn um annað og út um hitt, þegar blessuð söguþjóðin er komin þangað suðrúr að slappa af. Þetta sker á sína sögu eins og önnur sker, en ekki veit nokkur lifandi sála um upphaf byggðar þar og ekki uppvaktist þar neinn Ari fróði á liðnum öldum að skrá fróðleik um landnám.
Í örstuttu máli: Það er í skrásetningu „Diodoros nokkurs Siculos í 3000 ár“ að eyjarinnar er fyrst getið fyrir að þar búi þá „..barbarar", sem þýddi nokkurnveginn það sama og útlendingar á máli Rómverjans, og þar er borg, kölluð Ebusos og er það nýlenda frá Karþagó, segir hann. Aðrar heimildir nefna, að Karþagómenn hafi reist Ibizaborg árið 654 fyrir Krist og höfðu þeir einkum og sér í lagi ágirnd á salti, sem var og er auðtekið við strendur eyjarinnar (Gísli Sigurðsson, Lesbók Mbl, 27. nóvember 1977).

Það gengur mikið á í íslensku þjóðfélagi í dag. Bein útsending frá alþingi í gærkvöldi var ekki beint til að hressa mann við nema ef vera skyldi fyrir nokkrar sérlega vel skrifaðar og fluttar ræður, vil þó ekki nefna nein nöfn í því sambandi. Einn þingmaður taldi réttast að slá af samninginn við AGS og hætta við umsóknina að ESB. Að hugsa þetta kann að vera í lagi en að láta þetta út úr sér á alþingi er öllu alvarlegra. Ímynd Íslands á alþjóðavettvangi hefur orðið fyrir miklum álitshnekki og ef við tækjum nýjar vinkilbeygjur, eins og þær sem nefndar eru hér að framan, væri til að rústa algjörlega því sem verið er að reyna að byggja upp á þeim rústum sem fyrir eru.
 Af hverju neitum við ekki bara að borga? Vegna þess að við erum þátttakendur í samfélagi þjóða. Við erum aðilar af alþjóðasamningum og þeir samningar byggja á lagalegum samþykktum í milliríkjasamningum.  En við erum ekki að neita að borga við erum búin að samþykkja að borga við erum bara að finna fyrir afli stórþjóða gegn smáríki. Mig langar að varpa þeirri hugmynd hér upp hvað hefði gerst ef til dæmis Hollendingar hefðu verið í okkar stöðu gagnvart Bretum og verið settir á lista yfir hryðjuverkamenn? Ég vil leyfa mér að halda því fram að það hefði allt orðið vitl........ Hollendingar hefðu vafalítið brugðist hart við, slitið stjórnmálasambandi við Breta, kallað sendiherra sinn heim og fengið aðra þjóðir með sér í lið til að FORDÆMA þessa aðgerð Breta. Íslendingar gerðu EKKERT ef frá er tekið hin frábæra hugmynd hjá góðum ljósmyndara að taka myndir af venjulegum Íslendingum með spjaldi sem stóð á að við værum ekki hryðjuverkamenn og einnig voru gerðir einhverjir bolir með hnyttnum setningum á ensku sem útlendingar hafa brosað yfir.  Við erum smáríki sem flestir eru bara ekkert að hugsa um þrátt fyrir að við eigum það til að halda hið gagnstæða. Við setjum í fréttir hjá okkur þegar erlendar fréttastofur hafa áhuga á að ræða við okkur, sama hvort það eru forseti, ráðherrar eða þingmenn. Ef við til dæmis hefðum einhverja alvöru vikt í samstarfi hinna norrænu þjóða hefðu hinar norrænu þjóðir mótmælt harkalega og opinberlega að Ísland hafi verið sett opinberlega á lista með hryðjuverkasamtökum. Hinar norrænu þjóðir hefðu aðstoðað okkur fjárhagslega án tillits til Icesave til að hjálpa hér til við efnahagslega uppbyggingu eins fljótt og vel og hægt væri. Þannig var þetta ekki. Færeyingar lánuðu okkur að vísu pening og eiga heiður skilið fyrir það en aðrir „norrænir vinir“ flykkja sér bak við breska heimsveldið, sorgleg staðreynd að minnsta kosti getur maður ekki lesið öðruvísi í stöðu mála.

Við viljum borga en bara það sem okkur ber, ekki meira en það, á þeim bestu kjörum sem möguleg eru án þess að landið verði keyrt í þrot eða við missum auðlindir okkar í hendur útlendinga. Formaður Sjálfstæðisflokksins taldi að ef AGS væri að láta Icesave stoppa afgreiðslu lána til Íslands væri hann að kominn út fyrir hlutverk sitt og það væri alvarlegt. Þarna er ég sammála en hvert er hægt að klaga? Getum við fengið fyrirgreiðslu annars staðar viðlíka þeirri sem koma skal frá AGS til að hér geti hafist efnahagsleg uppbygging? Ég er mjög hlynntur því að fá 2 þúsund milljarða að láni frá Norðmönnum og sleppa AGS. En er það raunhæft? Með hvaða skilyrðum myndu Norðmenn lána okkur? Er ekki ákveðinn álitshnekkir í því að AGS hafi ekki vilja afgreiða lánaumsókn okkar þrátt fyrir nægan tíma til þess, sé það vegna Icesave eða einhver annars. Niðurstaðan er þessi að við sitjum uppi með afleiðingar af lélegu regluverki, fáránlega áhættusömum bönkum, litlu hagkerfi og gjaldmiðli, svo eitthvað sé nefnt. Þjóðin á rétt á því að vera reið yfir þessu bulli. Þjóðin á rétt á því hinir ábyrgu verði dregnir til ábyrgðar, þeir hafa að vísu tapað æru sinni en lög og regla hlýtur að ná yfir eitthvað af þessari vitleysu, annað væru mikil vonbrigði fyrir íslenska þjóð. Þetta tekur tíma og þolinmæði hefur aldrei verið sterkasta hlið Íslendinga en svona er þetta.

Það er alveg ótrúlegt að þrátt fyrir að umsóknarferlið að aðild að ESB sé hafið þá vantar góðar aðgengilegar ópólitískar upplýsingar fyrir Íslendinga til að kynna sér kosti og galla þess að ganga í ESB. Fólk heldur þetta og fólk heldur hitt. Ég rakst á frábæra síðu sem Írar settu fram vegna atkvæðagreiðslunnar 2. október um Lissabon sáttmálann. Síðan er sérlega vel gerð og aðgengileg ásamt því að tekið er fram að tilgangur hennar SÉ að veita upplýsingar en EKKI til að hafa áhrif á val kjósenda.

Kíkið á hana hér: http://www.lisbontreaty2009.ie/

Baráttukveðjur,

Sigurjón Sigurðsson.